„რედ ბულს“ ძირის კონსტრუქციას აცვლევინებენ
2.06.2012 23:05
„რედ ბულს“ თავისის არბოლი ავტომობილის ძირის უკანა ნაწილის შეცვლა მოუწევს. ამის მიზეზი ისაა, რომ საერთაშორისო საავტომობილო ფედერაციის (FIA) ტექნიკურმა კომისიამ, RB8-ს ძირის ის ნაწილი, რომელიც უკანა საბურავის წინ მდებარეობს, რეგლამენტთან შეუსაბამოდ სცნო.
FIA-მ თავისი გადაწყვეტილება გუნდებს წერილობითი ფორმით დაუგზავნა. ის ძალაში კანადის დიდ პრიზზე შევა, რაც იმას ნიშნავს, რომ მარკ უებერის გამარჯვება მონაკოს დიდ პრიზზე ძალაში რჩება. ამის მიზეზი ისაა, რომ FIA-მ ბაჰრეინის დიდი პრიზის წინ, იგივე ელემენტი, რომელსაც აეროდინამიკური დატვირთვა აქვს, ლეგალურად სცნო. ამ საკითხთან დაკავშირებით, რამდენიმე გუნდს (ფერარი, მაკლარენი, მერსედესი) ეჭვები მონაკოს დიდი პრიზის წინ გაუჩნდათ, თუმცა FIA-ს თხოვნით, მათ კანადამდე თავი შეიკავეს.
პორტუგალიის რალის ჰირვონენი ლიდერობს
პორტუგალიაში მიმდინარეობს რალის მსოფლიო ჩემპიონატის მეოთხე ეტაპი, რომელსაც ფინელი მიკო ჰირვონენი (ფოტოზე) ლიდერობს. რბოლას წვიმა და ნისლი ართულებს. რთული პირობების გამო, ხშირია ავარიები. ასპარეზობას პირველივე დღეს გამოეთიშა მსოფლიოს რვაგზის ჩემპიონი, ფრანგი სებასტიან ლოები, რომელსაც ავარია მოუვიდა.
ლიდერი კი ისაა, ვინც ყველაზე ნაკლებ შეცდომას უშვებს. ჰირვონენი წუთსა და 11 წამს უგებს უახლოეს მდევარს, ნორვეგიელ მადს ოსტბერგს, რომელსაც ნახევარი წუთით ჩამორჩება რუსი ევგენი ნოვიკოვი. მესამე დღეს შესანიშნავად იასპარეზა ნორვეგიელმა პეტერ სოლბერგმა, ვინც წინა დღეს ლიდერობდა, მაგრამ ტალახიან გზაზე შეცდა და გზიდან გადასული, სადრენაჟო არხში ჩავარდა. მან მესამე დღე 10-წუთიანი ჯარიმით დაიწყო და დღის ოთხი სპეცმონაკვეთი მოიგო და მეოთხეზე გადაინაცვლა. მაგრამ ბოლო სპეცმონაკვეთის წინ, მის „ფიესტაზე“ საჭის გამაძლიერებელი დაზიანდა, რამაც სოლბერგს დრო დააკარგვინა და მანაც მეხუთე ადგილზე გადაინაცვლა.
ალონსო: მონრეალის რბოლა „ფერარის“ ფორმის ინდიკატორია
6.06.2012
რისი იმედი შეიძლება ჰქონდეს იტალიურ გუნდის ამ სეზონში, ეს მონრეალში გამოჩნდება. ასე თვლის ჩემპიონატის ლიდერი ფერნანდო ალონსო, რომელიც კლასიფიკაციაში მხოლოდ სამი ქულით სჯობნის უახლოეს მდევრებს „რედ ბულიდან“, სებასტიან ფეტელს და მარკ უებერს.
მართალია, სეზონი მარანელოელებმა ფავორიტებად ვერ დაიწყეს, მაგრამ ალონსომ მალაიზიაში გამარჯვება მაინც მოახერხა, რასაც ესპანეთსა და მონტე კარლოში კვარცხლბეკზე ფინიშები მოჰყვა.
Wednesday, May 9, 2012
Monday, April 9, 2012
რაიკონენის დროც მოვა
2.06.2012 22:23
მიუხედავად იმისა, რომ მონაკოში თავის შესაძლებლობების გამოყენება ვერ შეძლო, კიმი რაიკონენი მაინც ოპტიმისტურადაა განწყობილი და დარწმუნებულია, რომ მისი დროც მოვა. მონაკოს ქუჩებში ფინელმა მრბოლმა ფინიშს მეცხრემ უწია, რაც ზედიზედ ორჯერ კვარცხლბეკზე ფინიშის შემდეგ, აშკარა ჩავარდნაა. მსოფლიოს 2007 წლის ჩემპიონი ამბობს, რომ მონაკოში ნაჩვენები ცუდი შედეგი სულაც არ ნიშნავს, რომ „ლოტუსმა“ შემართება დაკარგა და დარწმუნებულია, რომ კარგი შედეგების დრო ისევ დადგება. ოღონდ, ამისათვის აუცილებელია, რომ გუნდმა ყველაფერი კარგად გათვალოს და შეცდომები გამორიცხოს და გამარჯვებაც მოვა:
„ერთი უხეირო რბოლა ვერ შეცვლის იმ ფაქტს, რომ ჩვენ ყველა ტიპის ტრასაზე ძლიერები ვართ. მონაკოშიც კი ასე იყო რბოლამდე. მონაკო ნებისმიერი სხვა ტრასისგან სრულიად განსხვავდება და არ მგონია, იმის გამო ბევრი უნდა ვიდარდოთ, რომ ეს არ იყო ჩვენი საუკეთესო რბოლა. ყველგან სწრაფები ვართ და კვარცხლბეკზეც ვიყავით. და როცა შესაბამის მომენტში, ყველაფერს კარგად გავაკეთებთ, გამარჯვებასაც შევძლებთ. სწორედ ასე იგებენ დიდ პრიზებს. სხვა გუნდებთან ერთად მომიგია და ვგრძნობ, რომ გამარჯვება „ლოტუსსაც“ შეუძლია. ჩვენი დროც მოვა“.
http://www.worldsport.ge/Read.aspx?news=36692&lang=1
http://www.worldsport.ge/Read.aspx?news=36692&lang=1
Sunday, April 8, 2012
ჰირვონენმა პორტუგალიის რალი მოიგო
1.04.2012 22:08
მიკო ჰირვონენის გამარჯვებით დასრულდა პორტუგალიის ურთულესი რალი, რომელსაც სხვადასხვა მიზეზით, რამდენიმე ფავორიტი, მათ შორის, მსოფლიოს რვაგზის ჩემპიონი, ფრანგი სებასტიან ლოები გამოეთიშა. ჰირვონენმა პირველი გამარჯვება მოიპოვა „სიტროენის“ ავტომობილით და სათავეში ჩაუდგა პილოტთა კლასიფიკაციას.
რბოლის ბოლო, მეოთხე დღეს, პრობლემები ჰქონდათ ჰირვონენის მეტოქეებს, ნორვეგიელ მადს ოსტბერგს და რუს ევგენი ნოვიკოვს, თუმცა ამათ მაინც შეძლეს პოზიციების შენარჩუნება. ნოვიკოვი კი პირველად ავიდა კვარცხლბეკზე. მას ბოლო სპეცმონაკვეთზე აქსელერატორის სატერფული გაუტყდა, რამაც ბევრი დრო დააკარგვინა. საბოლოოდ კი მსოფლიოს ყოფილ ჩემპიონს, ნორვეგიელ პეტერ სოლბერგს 22 წამით აჯობა.
სოლბერგი მთელი რბოლის განმავლობაში ყველაზე სწრაფი იყო, თუმცა ჯერ საკუთარმა შეცდომამ (რომელიც გაუვალმა გზამ და სქელმა ნისლმა განაპირობა), შემდეგ კი მანქანის ჭირვეულობამ, კვარცხლბეკზე ასვლის საშუალება არ მისცა და შესაძლოა, გამარჯვებაც დააკარგვინა.
მეხუთე ადგილი დაკარის შარშანდელმა ტრიუმფატორმა, ყატარელმა ნასერ ალ-ატიამ დაიკავა, ვისაც რბოლის მიწურულს, საბურავი დაუზიანდა, თუმცა დაძაბულ ბრძოლაში მაინც აჯობა ჩეხ მარტინ პროკოპს. ორივე მრბოლისთვის ეს საუკეთესო შედეგია რალის მსოფლიო ჩემპიონატზე.